MAR DE SOÑOS (33 poemas)
-A poesía é poesía e a prosa é prosa. Dicir " prosa poética " é como dicir "auga seca" ou "lume frío" ...- ( Quico Viz - quicoviz@gmail.com) MAR DE SOÑOS -Pegadas na aréa- ------------- ENSOÑADA-MENTE Abrín os ollos e atopei ó meu lado unha muller que me amaba, e antes de que rematara o meu tempo de soñar, decidín convertela a ela no meu soño… -------------------------------------- OUTRA VEZ… Outra vez soñei contigo, outra vez estabas comigo, outra vez te collín pola cintura para achegarte a min, outra vez te enchín de caricias mentres me dicías o que eu quero oír, outra vez as miñas mans che falaron do meu sentir, outra vez soñei que te abrazaba como che gusta a ti, outra vez durmirei para soñarte, e soñarei que te esperto con un bico nos teus beizos, outra vez… Outra vez soñarei que estás ó meu lado; túas mans diranme o que a túa alma sente por min, e as miñas m...