Publicacións

Mostrando publicacións coa etiqueta galicia

CRÓNICA DAS HORAS VELLAS

Imaxe
CRÓNICA DAS HORAS VELLAS  (Historias baseadas en feitos reais)   2ª PARTE -O TEMPO ESNAQUIZADO Pepe botou a correr pola beira do río pa ser o primeiro en chegar ó Peago; meu pai mais eu fomos indo a modiño, aproveitando tódolos claros de entre os abeneiros pa facer os lances cos que tentar ás troitas. Chegamos ó pozo;  non nos estrañou nada que non estivera  Pepe, pois sabiamos da súa cisma de ir sempre por diante, tanto pa ir río arriba coma pa ir río abaixo. O pozo do Peago era un punto estratéxico no que nos xuntábamos pa comer e descansar un chisco. Despois de botar alí un anaco, decidimos seguir río arriba cando, nunha volta case sen auga, meu pai pescou unha troita grandísima e, ata nos esquecemos de seguir pescando. Estabamos sentados na herba, á beira do río, admirando aquel exemplar e falando da sorte de haber pescado tan fermosa troita, cando oímos unha voz detrás de nos:     - Pa troita  grande, a que eu pillei!! Chegoume ás orellas!! Escorregaba auga ata pola boina; Pepe pi