Publicacións

Mostrando publicacións coa etiqueta galicia

CRÓNICA DAS HORAS VELLAS

Imaxe
O muiño da Basebe CRÓNICA DAS HORAS VELLAS  Dicían que eu era moi frioleiro; poida que fora por eso que decidín nacer no mes de xullo.  Moitas das miñas lembranzas están molladas pola auga, engurradas pola xiada e esvarexidas en neve enlamada, mais hai outras tantas que, sen estar emborralladas, levan o recendo da cinza da lareira, están alumeadas polo chamusco do sol , ou brillan chispeantes coma muxicas de lume. Ó parecer, a miña primeira frase con sentido, non co sentido do razocinio mental, senon co da frase en sí, debeu ser aquela de "non sabo falar", cousa que aconteceu cando, pouco máis que gatuñando, metinme debaixo do carro das vacas; o carro estaba coa cabezalla ergueita, apoiada na trabe, agardando pa ser enxugado é, polo que queira que fose, ronceou e foi parar contra a parede da casa de Elena, facendo un estourido que me pegou susto tal que non volvín a meterme debaixo dun carro (ou sí...?) O estourido tamén se escoitou na tenda, onde estaban meus pais traballand