VILA DE CRUCES
BESEXOS: O MONTE DAS CRUCES
A cruz, tal como demostra a historia, é un motivo de uso moi anterior ao xurdimento do cristianismo que, por razóns obvias, fixo dela o seu símbolo fundamental.
Nos primeiros séculos desta relixión, a "cristianización" de lugares, monumentos, e de todo aquelo que fose sospeitoso de paganismo, fixo que, do mismo xeito que a cruz anglo-irlandesa (prerrománica) se impuxera por riba dos menhires, a meirande parte das primitivas cruces que había espalladas por todo o país se perderán, ou se esquecera o seu verdeiro uso por mor da cristianización. Posiblemente, aquelas cruces señalaban rutas de comercio e transporte, podendo haber sido enclavadas polos fenicios (1.200-539 A.C.), e empregadas máis tarde (S. III) por Antonino Caracalla para establecer os seus coñecidos "itinerarios".
------------
Nun monte da parroquia de Besexos, no aba do monte das covas, había tres fermosas casas señoriais, unha con cheminea pacega, rodeada de árbores froiteiras, vides, arandos e roseiras; das outras dúas, unha estaba no medio dun terreo de labranza e, a outra, con horta, nun comareiro dende o que se vía o camiño vello que chegaba dende Besexos. Dende a cima do monte das covas ata o río, baixaba un regueiro que pasaba xusto á beira da casa grande. Aquel lugar chamábase O Vilar das Cruces do monte de Besexos.
(Seguirá)